Prendes alvierte de la "tremenda medría" de denuncies por delitos escontra la llibertá sexual

La Fiscal Cimera del Principáu d'Asturies aconceya col alcalde d'Uviéu

La Fiscal Cimera del Principáu d’Asturies, María Eugenia Prendes, alvirtió esti martes de la "tremenda medría" que se ta rexistrando, non solo n’Asturies sinón en toa España, de delitos escontra la llibertá sexual, daqué que se desconoz si respuende a una medría de casos o a que se denuncien más.

Prendes apuntólo asina en declaraciones a los periodistes dempués d’aconceyar col alcalde d’Uviéu, Alfredo Canteli. Un alcuentru col qu’abrió una ronda d’alcuentros institucionales dempués de la so recién toma de posesión.

Al respective de los últimos datos qu’apunten a una medría de la delincuencia n’Asturies, Prendes recordó qu’entá ta "aterrizando" nel so cargu y que nun fizo la memoria de la Fiscalía del añu pasáu.